Suna Hai Log Ussay Ankh

Suna Hai Log Usay Aankh Bhar Ke Dekhte Hain:

:سنا ہے لوگ اُسے آنكھ بھر كے دیكھتے ہیں

سنا ہے لوگ اُسے آنكھ بھر كے دیكھتے ہیں

تو اس کے شہر میں‌کچھ دن ٹھہر کے دیکھتے ہیں

Suna Hai Log Usay Aankh Bhar Ke Dekhte Hain

So Us Ke Shahar Mein Kuch Din Thehar Ke Dekhte Hain

سنا ہے ربط ہے اس کو خراب حالوں سے

سو اپنے آپ کو برباد کرکے دیکھتے ہیں

Suna Hai Rabt Hai Usko Kharaab Halon Se

So Apne Aap Ko Barbaad Karke Dekhte Hain

سنا ہے درد کی گاہک ہے چشمِ ناز اس کی

سو ہم بھی اس کی گلی سے گزر کے دیکھتے ہیں

Suna Hai Dard Ki Ga-Hak Hai Chashm-E-Naaz Uski

So Ham Bhi Uski Gali Se Guzar Kar Dekhte Hain

سنا ہے اس کو بھی ہے شعر و شاعری سے شغف

تو ہم بھی معجزے اپنے ہنر کے دیکھتے ہیں

Suna Hai Usko Bhi Hai Sheir-O-Shaeri Se Shaghaf

So Ham Bhi Moajze Apne Hunar Ke Dekhte Hain

سنا ہے بولےتو باتوں سے پھول جھڑتے ہیں

یہ بات ہے تو چلو بات کر کے دیکھتے ہیں

Suna Hai Bole To Baton Se Phol Jharte Hain

Yeh Baat Hai To Chalo Baat Kar Ke Dekhte Hain

سنا ہے رات اسے چاند تکتا رہتا ہے

ستارے بام فلک سے اتر کے دیکھتے ہیں

Suna Hai Raat Use Chaand Taktaa Rehta Hai

Sitare Baam-E-Falak Se Utar Kar Dekhte Hain

سنا ہے دن کو اسے تتلیاں ستاتی ہیں

سنا ہے رات کو جگنو ٹھہر کے دیکھتےہیں

Suna Hai Din Ko Use Titliyaan Satati Hain

Suna Hai Raat Ko Jugnu Thehr Ke Dekhte Hain

سنا ہے حشر ہیں‌اس کی غزال سی آنکھیں

سنا ہے اس کو ہرن دشت بھر کے دیکھتے ہیں

Suna Hai Hashr Hain Uski Ghazal Si Aankhein

Suna Hai Usko Hiran Dasht Bhar Ke Dekhte Hain

سنا ہے اس کی سیہ چشمگی قیامت ہے

سو اس کو سرمہ فروش آہ بھر کے دیکھتے ہیں

Suna Hai Uski Siyah Chashmagi Qayamat Hai

So Usko Surma Farosh Aankh Bhar Ke Dekhte Hain

سنا ہےجب سے حمائل ہے اس کی گردن میں

مزاج اور ہی لعل و گوہر کے دیکھتے ہیں

Suna Hai Jab se Hamail Hai  Uski GArdan Main

Mazah Aur Hi Laal o Gohar Ke Dekht Hain

سنا ہے اس کے بدن کی تراش ایسی ہے

کہ پھول اپنی قبائیں کتر کے دیکھتے ہیں

Suna Hai Uske Badan Ke Taraash Aise Hain

Ke Phol Apni Qabaaein Katar Ke Dekhte Hain

سنا ہے اس کے لبوں سے گلاب جلتے ہیں

سو ہم بہار پہ الزام دھر کےدیکھتے ہیں

Suna Hai Uske Labon Se Gulab Jalte Hain

So Ham Bahaarh Pe Ilzaam Dhar Ke Dekhte Hain

سنا ہے آئینہ تمثال ہے جبیں اس کی

جو سادہ دل ہیں‌اسے بن سنور کے دیکھتے ہیں

Suna Hai Aaeinaa Tamasil Hai Jabin Uski

Jo Saadaa Dil Hai Use Ban-Sanwar Ke Dekhte Hain

بس اک نگاہ سے لٹتا ہے قافلہ دل کا

سو راہ روانِ تمنا بھی ڈر کے دیکھتے ہیں

Bas Ik Nigah Se Lut'ta Hai Qafla Dil Ka

So Rah-Rawan_ Tamanna Bhi Darr Ke Dekhte Hain

وہ سرو قد ہے مگر بے گل مراد نہیں

کہ اس شجر پہ شگوفے ثمر کے دیکھتے ہیں

Woh Sar o Qad Hai magar Hai Gul Murad Nahe

Ke Uss Shajar Pe Shaqofe Ke Samar Dekhte Hain

سنا ہے اس کے شبستاں سے متصل ہے بہشت

مکیں‌ ادھر کے بھی جلوے اِدھر کے دیکھتے ہیں

Suna Hai Uski Shabistaan Se Mut-Tasil Hai Bahisht

Makeen Udhar Ke Bhi Jalve Idhar Ke Dekhte Hain

کسے نصیب کے بے پیرہن اسے دیکھے

کبھی کبھی درودیوار گھر کے دیکھتے ہیں

Kise Naseeb Ke Hain Pirhan Usse Dekhe

Kabhi Kabhi Dar o Dewar Ghar ke Dekhte Hain

رکے تو گردشیں اس کا طواف کرتی ہیں

چلے تو اس کو زمانے ٹھہر کے دیکھتے ہیں

Ruke Toh Gardishein Uska Tawaaf Karti Hain

Chale To Usko Zamaane Thehr Ke Dekhte Hain

کہانیاں ہی سہی ، سب مبالغے ہی سہی

اگر وہ خواب ہے تعبیر کرکے دیکھتے ہیں

Kahaniyan He Sahi Sab Mubalghe He Sahi

Agar Woh Khawab Hai Tou Taabir Kar Ke Dekhte Hain

اب اس کے شہر میں‌ٹھہریں کہ کوچ کر جائیں

فراز آؤ ستارے سفر کے دیکھتے ہیں‌‌

Ab Usake Shehar Mein Thehrein Ke Koch Kar Jaein

"Faraz" Aao Sitare Safar Ke Dekhte Hain

READ NEXT

Best Poetry Of Faraz Ahmad

WATCH VIDEO

Faraz Ahmad Best Shayari